ဒီမိုကရေစီအသွင်ကူးပြောင်းရေးနှင့် အမြော်အမြင်ကြီးမားသည့် အတိုက်အခံအင်အား
”ဒီမိုကရေစီဆိုပြီး ပြည်သူ့ဆန္ဒ၊ ပြည်သူ့အာဏာလို့ ကြွေးကြော်အော်ဟစ်ပြီး ညာတဲ့စနစ်လည်းရှိတယ်။ လူတွေက တိုင်းသူပြည်သားတွေက အစိုးရအာဏာအပ်လိုက်တုန်းက ကျုပ်တို့ အတွက် ကောင်းအောင်လုပ်ပေးပါဆိုပြီး အပ်လိုက်တာ။ ဒါပေမဲ့ နောက်တော့ ကျုပ်တို့ကို ခင်ဗျားတို့ အုပ်စိုးတဲ့လူတွေက နှိပ်ကွပ်အုပ်ချုပ်ပါဆိုတဲ့ အချက်သာဖြစ်နေခဲ့တယ်။ လူတွေက တင်မြှောက်ပြီး လူတွေရဲ့အကျိုးကိုလုပ်တဲ့လူတွေရဲ့ အစိုးရသာလျှင် ဒီမိုကရေစီဖြစ်နိုင်တယ်”
ဗိုလ်ချုပ်အောင်ဆန်း
(၁၉၄၇ ခုနှစ် မေလ ၁၉ ရက်၊ ဂျူဗလီဟော၌ ကျင်းပခဲ့သည့် ဖဆပလညီလာခံတွင် ဒီမိုကရေစီနှင့် ပတ်သက် သည့်ဆိုခြင်း)
ဒီမိုကရေစီတိုးတက်ခိုင်မာဖို့ ပြည်သူ့ကိုယ်စားလှယ်စစ်များဖြင့် ဖွဲ့စည်းသည့်လွှတ်တော်များ၊ ပြည်သူ့ကိုယ်စားလှယ် စစ်စစ်များမှတစ်ဆင့် ရွေးချယ်ဖွဲ့စည်းသည့် အစိုးရအဖွဲ့တို့ လိုအပ်သကဲ့သို့ လွှတ်တော်တွင်း၊ လွှတ်တော်ပ၌ တောင့်တင်းခိုင်မာသော အတိုက်အခံလည်း လိုအပ်မှာ အမှန်ပင်ဖြစ်ပါတယ်။
နိုင်ငံတော်တွင် လတ်တလောဖြစ်ပေါ်နေသော အထွေထွေအကျပ်အတည်းများအပေါ် ကိုင်တွယ်ဖြေရှင်းမှုနှင့် ပတ်သက်ပြီး အတိုက်အခံနိုင်ငံရေးပါတီ ၁၃ ပါတီက ပူးတွဲသဘောထားကြေညာချက်တစ်စောင် ထုတ်ပြန် ခဲ့တယ် ခင်ဗျာ။
၂၈-၁၁-၂ဝ၁၆ ရက် အတိုက်အခံပါတီ ၁၃ ပါတီရဲ့ပူးတွဲသဘောထားကြေညာချက်ကို ကြည့်ရာတွင် ‘ပြည်ထောင်စု၏အစိတ်အပိုင်းတစ်ရပ်ဖြစ်သော ရခိုင်ပြည်နယ်တွင် ပိုင်နက်နယ်မြေ ဆုံးရှုံးမည့် အလားအလာ များကို ရင်ဆိုင်နေရပြီး အရှေ့မြောက်ဒေသတွင် စစ်ပွဲကိုအကြောင်းပြု၍ အပြစ်မဲ့ပြည်သူများ၏ အသက်အိုးအိမ် နှင့်ဥစ္စာ ပစ္စည်းများကို ဖျက်ဆီးခြင်းခံရပါကြောင်း၊ ဤဖြစ်ရပ်များ အားလုံး၏ အခြေခံအကြောင်းရပ်မှာ နိုင်ငံတကာ နှင့် ဆက်စပ်နေသော အကြမ်းဖက်အဖွဲ့အစည်းနှင့် အကြမ်းဖက်လုပ်ရပ်များကြောင့်ဖြစ်ကြောင်း နိုင်ငံတော် အစိုးရမှ ရဲဝံ့ခိုင်မာစွာထုတ်ပြန် ကြေညာရမည့်အချိန်ဖြစ်ကြောင်း။’
‘တစ်ချိန်တည်းမှာပင် ရန်ကုန်မြို့တော်အတွင်း၌ ပေါက်ကွဲမှုဖြစ်ရပ်များအပါအဝင် နိုင်ငံအနှံ့ တိုးပွားလာသော ရာဇဝတ်မှုများ၊ တစ်နေ့တခြား ကျပ်တည်းလာသော စီးပွားရေးပြဿနာများ၊ တည်ဆောက်လက်စ ငြိမ်းချမ်းရေး ဖြစ်စဉ်၏ မျှော်လင့်ချက်များ မှေးမှိန်လာခြင်းတို့မှာ နိုင်ငံတော်၏ အထွေထွေအကျပ်အတည်းများဖြစ်ကြောင်း၊ တစ်မျိုးသားလုံးကို ခြိမ်းခြောက်လာသည့် အန္တရာယ်များလည်းဖြစ်ပါကြောင်း၊ လက်ငင်း ဆောင်ရွက်နေရသော တပ်မတော်၏ စစ်ရေးအရ ဖြေရှင်းဆောင်ရွက်မှုများမှာလည်း တစ်နေ့တခြား မျက်နှာစာပိုမိုကျယ်ပြန့်လာပြီး နိုင်ငံတော်၏ ကာကွယ်ရေးအင်အားကို ချည့်နဲ့စေရန် ပြည်တွင်းပြည်ပ အဖွဲ့အစည်းများမှ နယ်စပ်ဒေသအနှံ့ အစီ အစဉ်တကျဆောင်ရွက်နေသည်ဟု သုံးသပ်ရပါကြောင်း၊ လက်ရှိအစိုးရ၏ ကိုင်တွယ်ဖြေရှင်းနေမှုများမှာလည်း ပိုမိုနက်ရှိုင်းသော အကျပ်အတည်းများဆီသို့ ဦးတည်နေသည်ကို သုံးသပ်တွေ့ရှိရပါကြောင်း။’
ဒါကြောင့် ”(က) နိုင်ငံတော်ပေါ်ကျရောက်နေသော အထွေထွေအကျပ်အတည်းများကို အာဏာသက်ရောက် နေပြီးဖြစ်သော ဖွဲ့စည်းပုံအခြေခံဥပဒေပြဋ္ဌာန်းချက်နှင့်အညီသာ ဖြေရှင်းဆောင်ရွက်ရမည်ဖြစ်ကြောင်း၊ (ခ) ဖွဲ့စည်းပုံ အခြေခံဥပဒေပုဒ်မ(၂ဝ၁)တွင် အမျိုးသားကာကွယ်ရေးနှင့် လုံခြုံရေးကောင်စီဖွဲ့စည်းခြင်းကို ပြဋ္ဌာန်းထား ရှိပြီးဖြစ်ပါကြောင်း၊ (ဂ) ထိုကောင်စီ၏လုပ်ပိုင်ခွင့်များကို ပထမအကြိမ်လွှတ်တော်နှင့် အစိုးရသက်တမ်းကာလ အတွင်း၌ လက်တွေ့ကျင့်သုံးခဲ့ပြီးဖြစ်ပါကြောင်း၊ သို့ဖြစ်၍ ယနေ့ရင်ဆိုင်နေရသော လုံခြုံရေး၊ စီးပွားရေး၊ အထွေထွေအကျပ်အတည်းများ၊ ပြည်တွင်းပြည်ပအကြမ်း ဖက်အန္တရာယ်များကို ထိရောက်စွာ ဟန့်တားနိုင်ရေးနှင့် မှန်ကန်စွာဆုံးဖြတ်နိုင်ရေးအတွက် အမျိုးသားကာကွယ်ရေးနှင့် လုံခြုံရေးကောင်စီအစည်းအဝေးကို အမြန်ဆုံး ခေါ်ယူပေးရန် တောင်းဆို ကြောင်း။”
”အဆိုပါတောင်းဆိုချက်သည် နိုင်ငံတော်နှင့် နိုင်ငံသားအားလုံး၏ အကျိုးစီးပွားဖြစ်သောကြောင့် တာဝန်သိ နိုင်ငံရေးပါတီများနှင့် တိုင်းရင်းသားပြည်သူအားလုံးက လက်တွဲပူးပေါင်းပါဝင်ကြရန် အလေးအနက် တိုက်တွန်း အပ်ကြောင်း” ထုတ်ပြန်ကာ ကြေညာထားသည်ကို တွေ့ရတယ်။
စာရေးသူဖတ်လိုက်ရသည့် ဆရာတင်ညွန့်ရေးသည့် ဒီမိုကရေစီပါရာဒိုင်းစာအုပ်စာမျက်နှာ (၁၄၂/၁၄၃)တွင် အောက်ပါအတိုင်း တွေ့ရှိရပါတယ်။
”ဒီမိုကရေစီနှင့်ပတ်သက်ပြီး လူတစ်စုဒီမိုကရေစီလား၊ လူထုဒီမိုကရေစီလားဟု စဉ်းစားစရာရှိသည်။ ဒီမိုကရေစီ လှိုင်းသည် ပြောင်းလဲနေပြီဖြစ်သည်။ လူတိုင်းယူဆလက်ခံထားသည့် အပေါစားဒီမိုကရေစီမျိုးကို စွန့်လွှတ်ပြီး ရမ်းသန်းအော်သည့် ဒီမိုကရေစီကို လက်သင့်မခံရန် လိုအပ်လာသည်။”
”နိုင်ငံရေးသမား” ဆိုသည့် လူတန်းစားတစ်ရပ်သည် ခေတ်သစ်တွင်ပေါ်ထွန်းလာသည်။ နိုင်ငံရေးကို အသက်မွေး ဝမ်းကျောင်းတစ်ခုအနေဖြင့် လုပ်စားခွင့်များရလာကြသည်။ ပညာမတတ်၊ လူတောမတိုး၊ လူ့အကျိုးမဆောင် နိုင်သူများလည်း နိုင်ငံရေးသမားများဖြစ်လာကြသည်။ မကျွမ်းကျင်သူများ၊ လူယုတ်လူညံ့များ၊ ကြောင်သူတော် များ၊ လူလိမ်လူညာများ၊ တစ်ယူသန် အစွန်းရောက်သမားများ၊ အကျင့်ပျက် ခြစားသူများ၊ အတ္တသမားများ၊ ကိုယ်ကျိုးရှာအချောင်သမားများ၊ နိုင်ငံရေးလောကအတွင်းသို့ ရောက်လာကြသည်။ ကမ္ဘာလောကကြီးတွင် ဤကဲ့သို့ လူမျိုးများရှေ့တန်းဝင်ကာ နေရာယူလာကြ သည်။”
”နိုင်ငံရေးဆိုသည်မှာ တစ်ဦးတစ်ယောက်ကောင်းဖြင့် နိုင်ငံကောင်းအောင်လုပ်၍ရသည်ဆိုသော အယူအဆမှာ ခေတ်မမီတော့၊ နိုင်ငံရေးသမားများ၊ နိုင်ငံရေးပါတီများ၊ အစိုးရနှင့် လုပ်ငန်းအဖွဲ့အစည်းများ၊ ပညာရှင်များအားလုံး ပေါင်းစုကာ ညီညွတ်စွာဖြင့် ကောင်းကျိုးကို စုပေါင်းအဖြေရှာမှသာ နိုင်ငံတိုးတက်စေလိမ့်မည်”
”အစိုးရမကောင်းဘူးပြောလျှင် ဘာမကောင်းကြောင်း အပြုသဘောဆောင်သော အမြင်ဖြင့်တင်ပြပြီး မည်သည့် အရာမကောင်းပါ၊ မည်သို့ဖြစ်သင့်ပါသည်ဆိုပြီး အဖြေရှာဆွေးနွေး မှုမျိုးသာဖြစ်သင့်ပါသည်” စသည်ဖြင့် ဖတ်လိုက် ရပါတယ်။
ယခုပူးတွဲသဘောထားကြေညာချက်ထုတ်ပြန်သည့် နိုင်ငံရေးပါတီ ၁၃ ခု ဖော်ပြခဲ့သည့် အကြောင်းအရာများကို လေ့လာရာတွင် အစိုးရမကောင်းကြောင်း ဖော်ပြထားသည်ကို မတွေ့ရပါ။ နိုင်ငံတော်တွင် လတ်တလောဖြစ် ပေါ်နေသော အထွေထွေအကျပ်အတည်းများကို မည်သို့ ဆောင်ရွက်သင့်ကြောင်းကိုသာ အဖြေရှာဆောင်ရွက်ရန် ဖြစ်သည်ဟု တွေ့ရှိရပါတယ်။
မြန်မာနိုင်ငံရေးသမိုင်းတွင်ပေါ်ပေါက်ခဲ့သော နိုင်ငံရေးပါတီအချို့သည် မိမိတို့ပါတီ၏နိုင်ငံရေး ရည်ရွယ်ချက်တွေ၊ လုပ်ငန်းစဉ်တွေကို ပြည်သူသို့ အပြောကောင်းကောင်းဖြင့်ချပြမယ်။ ပြည်သူတွေ မက်လောက်အောင် ဆွယ်တရား ဟောကာ အပြောဖြင့် ဦးစွာမက်လုံးပေးကြတယ်။
ဥပမာ- ”ကျုပ်တို့ပါတီအာဏာရရင် ဘာလုပ်ပေးမယ်။ ညာလုပ်ပေးမယ်။ နေ့ချင်းညချင်း လူတစ်ကိုယ် တိုက် တစ်လုံး၊ ကားတစ်စီးနှင့်ဖြစ်ရမယ်” ဆိုသည့် မစားရဝခမန်း အပြောမျိုးဖြင့် လူထုကို အသည်းခိုက် အကြိုက်ပေး ပြောခြင်း သို့မဟုတ် စည်းရုံးခြင်းမျိုးဖြစ်တယ်။ မည်သို့ဆိုစေ နောက်ဆုံးတော့ မိမိပါတီအာဏာရရေးသာဖြစ်တယ်။ ဤသို့ဆိုပါလျှင် ”ဒီမိုကရေစီစနစ်တွင် အစိုးရမကောင်းရခြင်းသည် ပြည်သူတို့ နိုင်ငံရေး အသိတရားကင်းမဲ့စွာဖြင့် တင်မြှောက်လိုက်ကြသည့် ကိုယ်စားလှယ်များကြောင့်သာဖြစ်သည်” ဟုဆိုပါတယ်။
ဒီမိုကရေစီတိုးတက်ခိုင်မာဖို့ ပြည်သူ့ကိုယ်စားလှယ်စစ်စစ်များဖြင့် ဖွဲ့စည်းသည့် လွှတ်တော်များ၊ ပြည်သူ့ကိုယ်စား လှယ်စစ်စစ်များမှတစ်ဆင့် ရွေးချယ်ဖွဲ့စည်းသည့်အစိုးရအဖွဲ့ကို လိုအပ်သကဲ့သို့ လွှတ်တော်တွင်း၊ လွှတ်တော်ပ၌ တောင့်တင်းခိုင်မာသော အတိုက်အခံလည်း လိုအပ်သည်မှာ အမှန်ပင်ဖြစ်ပါတယ်။
၂၅-၇-၂ဝ၁၆ ရက်နေ့ကပြုလုပ်သည့် ဒုတိယအကြိမ် ပြည်သူ့လွှတ်တော် ပုံမှန်အစည်းအဝေးတွင် ပြည်သူ့ လွှတ်တော်ဥက္ကဋ္ဌ ဦးဝင်းမြင့်က-
”ပြည်သူတွေက ယုံယုံကြည်ကြည်ပေးအပ်လိုက်တဲ့ ပြည်သူ့ကိုယ်စားလှယ်တွေဟာ အရည်အချင်းပြည့်ဝနေမှသာ ဥပဒေပြုရေးမဏ္ဍိုင်ရဲ့ ဂုဏ်သိက္ခာ ဆက်လက်မြင့်မားနေမှာဖြစ်တယ်။ ဒါကြောင့် အရည်အချင်းရှိဖို့လိုတယ်” ဟု ပြောကြားခဲ့တာကို သတိပြုမိတယ်။
ဆက်ပြီးဆိုရလျှင် သဘောထားထုတ်ပြန်သည့်နိုင်ငံရေးပါတီ ၁၃ ခုကို လေ့လာပါက စတင်ဖွဲ့စည်းစဉ်ကပင် စနစ်တကျ ဖွဲ့စည်းသည့် ပါတီများဖြစ်သည်ကို တွေ့ရတယ်။ ပြည်သူ့ထောက်ခံမှု လည်းရှိတယ်။ နိုင်ငံရေးသိက္ခာ၊ လူမှုရေးသိက္ခာလည်းရှိကြတဲ့ တောင့်တင်းခိုင်မာပြီး ပြည်သူ့အကျိုး၊ နိုင်ငံ့အကျိုးစီးပွားဖက်က ထာဝစဉ် ရပ်တည် နေတဲ့ အတိုက်အခံပါတီတွေလို့ ရှုမြင်ရပါတယ်။
တစ်ခေတ်တစ်ခါက လက်ဝဲယိမ်းနိုင်ငံရေး အဖွဲ့အစည်းကြီးတစ်ခုဖြစ်တဲ့ ပမညတ(ပြည်ထောင်စုမြန်မာနိုင်ငံ ညီညွတ်ရေးတပ်ပေါင်းစု) ကဲ့သို့သော အတိုက်အခံအဖွဲ့အစည်းရှိဖူးတယ်။ လွှတ်တော်ထဲမှာ အနည်းစုသာဖြစ် သော်လည်း လွှတ်တော်တွင်းမှာရော၊ လွှတ်တော်ပြင်ပတွင်ပါ နိုင်ငံရေးသြဇာကြီးကြီးနှင့် ရပ်တည်ခဲ့ဖူးတယ်။ နိုင်ငံရေးရပ်တည်ချက်တွင်လည်း နိုင်ငံနှင့် ပြည်သူ့အကျိုးစီးပွားပေါ်မှာ အခြေပြုသည်ဟု ပြည်သူတို့က ယုံကြည် ကြသည့်အကြောင်းအရင်းက အင်အားကြီး တောင့်တင်းခိုင်မာသော အတိုက်အခံ နိုင်ငံရေးအင်အားစုကြီး ဖြစ် တည်ရှိနိုင်ခဲ့ခြင်းဖြစ်တယ်။ အတိုက်အခံနိုင်ငံရေးအင်အားစုဆိုသော်လည်း အစိုးရအဖွဲ့ကို ဆန့်ကျင်တိုက်ခိုက် ကန့်လန့်တိုက်နေခဲ့ခြင်းမဟုတ်။ ဆိုလိုသည်မှာ ပြည်သူ့အကျိုး၊ နိုင်ငံ့အကျိုးကို ရှေးရှု၍ နိုင်ငံရေးသဘောထားနှင့် အယူအဆကို မှန်မှန်ကန်ကန် ရွေးချယ်လုပ်ဆောင်နိုင်သည့်အခါ နိုင်ငံရေးသိက္ခာရှိရှိ၊ နိုင်ငံရေးသြဇာရှိရှိ ရပ်တည် နိုင်ခဲ့သည့် လွှတ်တော်တွင်း လူနည်းစုသာရှိသော နိုင်ငံရေးတပ်ပေါင်းစုကြီး ဖြစ်ခဲ့တယ်။
ယခုကာလလို ဒီမိုကရေစီထွန်းကားရေး (ဒီမိုကရေစီတောင့်တင်းခိုင်မာရေး) နှင့် တိုင်းပြည် ပြန်လည်ထူထောင်ရေး စသည့် လက်ငင်းဆောင်ရွက်စရာများရှိသကဲ့သို့ ရေရှည်မြဲမြံ ခိုင်မာသော ဒီမိုကရေစီစနစ် တည်ဆောက်နိုင်ရန် အရေးကြီးသည့်အချိန်ကာလတွင် ယခုကဲ့သို့ နိုင်ငံရေးသိက္ခာရှိသည့် အတိုက်အခံအင်အားစုများရှိနေခြင်းသည် တိုင်းပြည်တိုးတက်ရေး၊ နိုင်ငံအေးချမ်းတည်ငြိမ်ရေးအတွက် ဝမ်းမြောက်ဖွယ်ရာပင်ဖြစ်ပါတယ်။
ယခုကဲ့သို့သော နိုင်ငံရေးပါတီအဖွဲ့အစည်းများအနေဖြင့် ပြည်သူအကျိုးကို ဦးထိပ်ထားသည့် နိုင်ငံရေးလမ်းညွှန် မှုများဖော်ထုတ်နိုင်မှု၊ နိုင်ငံရေးစေတနာ ဖြူစင်မှန်ကန်မှု၊ ခေတ်မီသော အတွေးအခေါ်နှင့် အမြော်အမြင်ကြီးမှု စသည့်အရည်အသွေး များရှိနေသည်ဟုဆိုရပါမယ်။
ယခုကဲ့သို့ ဒီမိုကရေစီနိုင်ငံထူထောင်ရာတွင် တစ်ဦးချင်းသီလဖြူ၊ အရည်အချင်းရှိသော နိုင်ငံရေးသမားများ၊ စေတနာမှန်ကန်သော အမြော်အမြင်ကြီးသော နိုင်ငံရေးအဖွဲ့အစည်းများ၊ အတိုက်အခံအင်အားစုများ တိုးတက် ပေါ်ပေါက်လာခြင်းဖြင့် နိုင်ငံနှင့်ပြည်သူအကျိုးပြုနိုင်ကြမည်ဟု ယုံကြည်လျက်ရှိပါတယ်။
မောင်သာအေး(နိုင်ငံရေးသိပ္ပံ)
