တူရကီ နိုင်ငံ က အီရတ် နှင့် ဆီးရီးယား နယ်နိမိတ်အတွင်း ဗုံးကြဲ တိုက်ခိုက်ခဲ့ရာတွင် Kurds လက်နက်ကိုင် တပ်ဖွဲ့ဝင် ၇၀ ခန့်သေဆုံး
တူရကီနိုင်ငံ စစ်ဘက်ဆိုင်ရာ ညွှန်ကြားရေး ဌာနချုပ် ၏ ဧပြီလ ၂၅ ရက်နေ့က ထုတ်ပြန်ခဲ့သည့် ကြေညာချက်တွင် တူရကီနိုင်ငံမှ တိုက်လေယာဉ်များသည် အီရတ်နိုင်ငံနှင့် ဆီးရီးယားနိုင်ငံ နယ်နိမိတ်အတွင်းရှိ Kurds လက်နက်ကိုင် တပ်ဖွဲ့ကို ပစ်မှတ်ထား တိုက်ခိုက်ခဲ့ရာတွင် ၎င်းလက်နက်ကိုင် တပ်ဖွဲ့ဝင် ၇၀ ခန့်ကို ချေမှုန်းနိုင်ခဲ့ကြောင်း ထုတ်ပြန်ကြေညာခဲ့သည်။
ထုတ်ပြန်ချက်တွင် လေကြောင်းတိုက်ခိုက်မှုအား ဒေသစံတော်ချိန် ဧပြီလ ၂၅ ရက်နေ့ နံနက် ၂ နာရီ အချိန်တွင် ဆောင်ရွက်ခဲ့ပြီး အီရတ်နိုင်ငံမြောက်ပိုင်း Sinjar တောင်တန်းဒေသနှင့် ဆီးရီးယားနိုင်ငံ အရှေ့မြောက်ပိုင်း Karachok တောင်တန်းဒေသရှိ အကြမ်းဖက်တပ်ဖွဲ့ဝင်များကို တိုက်ခိုက်ခဲ့ခြင်းဖြစ်ကြောင်း ပါဝင်ခဲ့သည်။
တူရကီနိုင်ငံ သတင်းမီဒီယာ၏ ဖော်ပြချက်တွင် လေကြောင်းတိုက်ခိုက်မှုသည် Kurds အလုပ်သမားပါတီနှင့် ၎င်းတို့၏ မဟာမိတ်တပ်ဖွဲ့ဖြစ်သည့် “ပြည်သူ့ကာကွယ်ရေးတပ်ဖွဲ့ ” လက်နက်ကိုင်အဖွဲ့ဝင်များကို ပစ်မှတ်ထား တိုက်ခိုက်ခဲ့ခြင်း ဖြစ်ကြောင်း၊ ယခုတိုက်ခိုက်မှုတွင် Kurds လက်နက်ကိုင်တပ်ဖွဲ့၏ အခြေစိုက်စခန်း၊ လက်နက်သိုလှောင်ရုံနှင့် ဆက်သွယ်ရေးစင်တာတို့ကို ဖျက်ဆီးနိုင်ခဲ့ကြောင်း ဖော်ပြ ခဲ့သည်။
Kurds အလုပ်သမားပါတီသည် ၁၉၇၉ ခုနှစ်တွင် တည်ထောင်ခဲ့ပြီး ရည်ရွယ်ချက်အားဖြင့် လက်နက်အင်အားမှ တစ်ဆင့် တူရကီ-အီရတ် နှစ်နိုင်ငံနှင့် အီရန် – ဆီးရီးယားနှစ်နိုင်ငံ နယ်နိမိတ်အကြားရှိ Kurds လူမျိုးတို့ကို စုဝေးကာ သီးခြားနိုင်ငံတစ်နိုင်ငံ ထူထောင်ရန်ဖြစ်သည်။
လက်ရှိချိန်တွင် ၎င်းတို့၏ လက်နက်ကိုင်တပ်ဖွဲ့တို့သည် အီရတ်နိုင်ငံနှင့် ဆီးရီးယားနိုင်ငံ မြောက်ပိုင်းတို့တွင် စုဝေးနေကြပြီး မကြာခဏ တူရကီနိုင်ငံ နယ်နိမိတ်အတွင်းသို့ဝင်ရောက်ကာ တိုက်ခိုက်မှုများ ဆောင်ရွက်လေ့ ရှိသည်။
ထို့ကြောင့် တူရကီနိုင်ငံ ၊ အမေရိကန်နိုင်ငံနှင့် အီးယူတို့မှ အကြမ်းဖက်အဖွဲ့အစည်းအဖြစ် သတ်မှတ်ခြင်း ခံခဲ့ရသည်။ (Xinhua)
